نايا للنشر الالكترونى
اهلاً اهلاً نورتونا يا رب تكونوا فى أتم الصحة والعافية
انضموا لأحلى صحبة معانا
بحـث
 
 

نتائج البحث
 

 


Rechercher بحث متقدم

سحابة الكلمات الدلالية

عروس  الحلقه_السادسه  القلب  بكاء  الجزء  

المواضيع الأخيرة
» الكلب المختنق
طولش (الكائن السفلى) محمد رفعت Icon_minitime1الأربعاء أغسطس 10, 2016 10:44 pm من طرف widad

»  بحث أدخل كلمة البحث ... التخسيس السريع رجيم كيميائي سريع لإنقاص الوزن
طولش (الكائن السفلى) محمد رفعت Icon_minitime1الأربعاء أغسطس 10, 2016 10:40 pm من طرف widad

» أكلات الرجيم الـ17 الأكثر قدرة علي التخسيس
طولش (الكائن السفلى) محمد رفعت Icon_minitime1الأربعاء أغسطس 10, 2016 10:37 pm من طرف widad

»  الكروسون
طولش (الكائن السفلى) محمد رفعت Icon_minitime1الأربعاء أغسطس 10, 2016 4:50 am من طرف حكاوى الكتب

» برجر دجاج
طولش (الكائن السفلى) محمد رفعت Icon_minitime1الأربعاء أغسطس 10, 2016 4:40 am من طرف حكاوى الكتب

» كيكة القهوة بالكراميل والقرفة
طولش (الكائن السفلى) محمد رفعت Icon_minitime1الأربعاء أغسطس 10, 2016 12:31 am من طرف nimo nany

» ازياء محجبات2
طولش (الكائن السفلى) محمد رفعت Icon_minitime1الأربعاء أغسطس 10, 2016 12:05 am من طرف nimo nany

» خادمتي زوجتي
طولش (الكائن السفلى) محمد رفعت Icon_minitime1الثلاثاء أغسطس 09, 2016 10:37 pm من طرف widad

» طالب ثانوى غلبان
طولش (الكائن السفلى) محمد رفعت Icon_minitime1الثلاثاء أغسطس 09, 2016 7:50 pm من طرف سارة عمر

نوفمبر 2019
الأحدالإثنينالثلاثاءالأربعاءالخميسالجمعةالسبت
     12
3456789
10111213141516
17181920212223
24252627282930

اليومية اليومية


طولش (الكائن السفلى) محمد رفعت

اذهب الى الأسفل

طولش (الكائن السفلى) محمد رفعت Empty طولش (الكائن السفلى) محمد رفعت

مُساهمة من طرف widad في الخميس أغسطس 04, 2016 10:23 pm

طولش (الكائن السفلى) محمد رفعت 13686528_692517750903958_2637881206602480098_n




-----------------------------------
دى قصة من الاف القصص والمواقف الى بيمر بيها اى انسان عادى بتبقى حجات بتحصل بنسميها غيبيات منعرفش اية دة سببها مرض او (جن) او مخلوقات تانى منعرفش عنها حاجة
انا مروان 22 سنة بدرس حقوق
الحكاية بدأت معاية انى فى يوم من الايام كنت بقلب فى بعض صفحات الفيس بوك فا كان فى صفحة اسمها دماء تحت الاقدام كيفية استحضار الجن
مش عارف الصراحة اية علاقة دماء تحت الاقدام بكيفية استدعاء الجن مش عارف دخلت لقيت بئة بوستات صور ومكتوب عليها جلب الحبيب واسترداد الزوج و سحر طبعا انا معلوماتى عن الحجات دى كويسة وانا بهتم بالمواضيع دى اوى فا شوفت بوست مكتوب فية سحر(طوِلش) الكائن السفلى لأول مرة فى حياتى اسمع عن الكائن السفلى انا اسمع سحر سفلى لكن كائن سفلى مسمعتش مكتوب اية بئة انة كائن خلق من قبل خلق ادم وطريقة استدعائة سهلة ستتلو 150 حرف فى 30 ثانية يعنى اقول 150 حرف فى 30 ثانية ويجب ترك اظافرك غير نظيفة لمدة يومين وستقول هذة الكلمات انا طبعا مش هقولكم الكلام الكلام دة مفروض اقولة يوم الاربعاء و السبت و الاثنين بعدها يحضر الكائن السفلى انا فضلت اقول لنفسى اية كلام الاطفال دة طبعا الكلام معجبنيش بعت رسالة للصفحة قولتلهم دة ايه كلام الاطفال دة انتم كذابين بعد ما بعت الرسالة بدقيقة رد صاحب الصفحة علية وقال جرب ومش هتخسر حاجة وتعالى بعدها كلمنى وقولى عملت اية انا على فكرة من الشخصيات العنيدة وقولتلو اية رايك انى هجروب وهوريك انة كلام فاضى قال بس لو حصل معاك حاجة متجيش تتكلم معاية وتقولى انت السبب قولتلو تمام بعديها بيومين الى هوا يوم الاربعاء بدات فى الخطوات انا كنت بعمل الى بيقولة وانا على يقين انة كلام فاضى لحد ما جة يوم الاثنين عملت اخر الخطوات ونمت وكنت مستنى اليوم التانى علشان اورية انة كذاب فعلا نمت واليوم عدى قومت متحمس اوى لكن اية الى انا شيفة دة الصورة بتعتى الى حطتها على المكتب وشى فى الصورة كأن فى حد دالق حبر على الصورة بس دى صورى كلها كدة طيب اشمعنى صورى انا وصور اختى وامى وابويا لا ما كلنا حطين صورنا سألت اختى وابويا وامى اية الى عمل فى الصورة كدة كلهم قالو منعرفش قولت فى دماغى يمكن الى بعتلى رسالة دة كلامة صح ولا اية طيب اية الحل فى نفس اليوم بعتلى رسالة قال ها جربت قولتلو جربت قال وبعدين قولتلو محصلش حاجة قالى انت كذاب حصل وانا عارف انة حصل قولى اية الى حصل يمكن اسعدك بحاجة او افيدك طبعا هنا انا حسيت بالذل لانى خسرت الرهان ودى حركه تعلمنى ان العند مش بيجيب نتيجه قولت بس حياتى اهم محدش يعرف يمكن اتأذى ولا يحصلى حاجة قولتلو فعلا حصل والصور بتعتى وشى كان فيها متغطى بالحبر قالى دى البداية بس قولتلو طب اعمل اية قال ما تعملش استنى قدرك قولتلو طب هات رقمك اكلمك سمعت رد غير متوقع قال انا يمكن مش انا الى بكلمك وببعتلك رسايل قولتلو ازاى قال بتيجى علية فترات مبعرفش اتحكم فى نفسى الى جوايا هما الى بيتحكمو فية قولتلو انت اكيد بتهزر ياراجل هوا فى الكلام دة وعلى العموم مش عايز مساعدة قال وانا ولا غيرى اصلا هيعرفو يسعدوك الكلام دة فعلا خوفنى انا كل تفكيرى اية الى هيحصل جت الساعة 11 بليل دخلت علشان انام حتى وانا نايم عمال افكر لحد ما نمت وحلمت حلم غريب جدا حلمت انى فى الشقة بتعتنا لكن الشقة فضية مفهاش عفش ولا اى حاجة وطلعت من الغرفة بتعتى قطة سوداء عنيها الشمال حمراء واليمين مقفولة وفى اثار ضرب فى عنيها اليمين ورجليها الشمال مكسور بتمشى على 3 رجول بس ومش بتبصلى انا لا دى بتبص على حد تانى جنبى او ورايا مش عارف بئة انا بصيت ورايا لقيت واحد راجل عجوز اوى ظهرة محنى لكن عنية عملة زى عيون الثعبان قولتلو انت مين وانت فى البيت بتعمل اية حسيت بصوت حد ورايا بصيت لقيت القطة لكن القطة بقت فى طولى ضربتنى بأظفرها فى بطنى بطنى نزلت دم صحيت مفزوع من الحلم دة وفضلت اقول بسم الله الرحمن الرحيم قمت من النوم وانا حاسس ان الحلم دة بجد حاسس بخنقة دخلت اغسل وشى واغير هدومى لكن لقيت مكان خربشة القطة الى خربشتهالى فى الحلم الموضوع بدأ يبقى بجد يبقى الواد الى بيكلمنى عندة حق انا شكلى هعانى كتير انا اية الى عملتة دة فضلت تعدى الايام وكل يوم احلم بالحلم دة وانا مبقولش لحد جة يوم كنت نايم فى السرير وفى حاجة صحتنى الساعة 2 بليل لقيت نص رغيف بايظ فى ايدى الشمال قومت اتفزعت من المنظر جة منين العيش دة واية الى حطة فى ايدى انا اتخنقت انا مش عارف اعمل اية طب انا هشغل قران رايح على الجهاز علشان افتحة واشغل قران السمعات ولعت قبل ما الجهاز نفسة يشتغل جريت جبت مية طفتها بدأ النور يطفى ويولع انا قولت ان النور هيقطع فعلا حصل الى توقعتة قطع النور طبعا انا مش شايف حاجة والكشاف و الشمعة فى الغرفة قبل ما ادخل الغرفة الشمعة ولعت لوحدها يالهوى دة مفيش حد فى الغرفة بتعتى مين الى ولع الشمعة دخلت بهدوء خالص لقيت واحد قاعد على السرير ومدينى ظهرة دة تقريبا الراجل الى شفته فى الحلم رجعت للوراء بضهرى واتجهت ناحية غرفة ابويا النور كان ضارب لحد برة كنت شايف سمعت صوت السرير بتاعى السرير بتاعى بيعمل صوت لمة باجى انزل من علية انا سمعت الصوت دة رجعت تانى دخلت بابص علية ملقتهوش بصيت على الشمعة مرة وحدة حسيت بهواء ضرب فى ضهرى والشمعة اتطفت والدنيا رجعت ضلمت انا عايز كل الناس تتخيل الموقف انا كنت خايف جدا كنت بدعى ربنا يخدنى فى اللحظة دى ربنا ما يوريها لحد لكن ياريتها جت على الشمعة الى طفت بس بعدها بلاحظات سمعت صوت امى بتنادى عرفين لمة الام تدلع ابنها وهى بتنادى علية امى كانت بتنادى علية كدة مروان ياحبيبى مروان حبيب ماما انا ساكت مبتكلمش كأنى اتصبت بشلل وهى بتنادى يامروان قولتلها بصوت واطى ماما هوا دة انتى قالتلى ايوة ياحبيبى انا شيفاك اهو انت مش شايفنى يالهوى اية دة الى انا بسمعة دة مهو يا اما انا اتعميت يا اما بحلم دى الدنيا ضلمة قولتلها انتى مش امى بدأ صوتها يعلى وتقولى مروان تعالى هنا هضربك لو مجتش هحرقك بالنار وبدأ صوتها يبقى خشن انا قلبى هيقف خلاص يارب اكون بحلم ميكنش دة حقيقى......

لكن دة حقيقى الشمعة بدأت النار تولع فيها تانى وبدأت يظهرلى خيال واحد على ظهرة واحد تانى انا كل دة واقف برة الغرفة بتعتى وشايف من برة فضلت انادى على ابويا وامى يا جماعة حد يرد علية بدأ الخيال الى فى الغرفة يتحرك ناحية الباب واختفى بس صوت خطوات رجلة كنت سامعها بتقرب منى لحد ماوقف كنت حاسس بسخونية قدامى كأن نار وقفة قدامى ومرة واحدة لقيت دماغى بتتخبط فى الحائط والارض لوحدها حولت اقاوم لكن مفيش فيدة لحد ما فقدت الوعى صحيت وفتحت عينى لقيت السماء و القمر والنجوم اية دة انا فين انا فى الشارع واية رائحة التراب دى ببص جنبى لقيت مدفن عائلة الوردانى يانهر اسود انا فى المقابر انا اكيد بحلم والله انا بحلم بس مش عارف اصحى طب انا مش بصحى لية عمال اكلم نفسى طب دة لو حقيقة جيت هنا ازاى اية دة فين هدومى انا عريان يالهوى اية الى بيحصل فضلت ابص حولية لحد ما شفتة ايوة شفتة واقف على احد المقابر الراجل العجوز ووشة بيضلم لحد ما الملامح اختفت خالص مفيش غير العين البيضاء هى الى بتبصلى وشاور جنبى بصيت لقيت مقبرة مكتوب عليها هنا يرقد المغفور له مروان عبد الحميد سلامة انور بدأت احس بالنوم وبدأ الراجل العجوز صورتة تتلاشى والدنيا دارت بية وفقدت الوعى تانى وصحيت بس المرة دى على سريرى انا الى اكدلى ان الى انا فية مش حلم انا راسى فيها كدمات من كتر ما اتخبطط فى الحائط والارض قومت من على السرير وجسمى كلة متكسر مش قادر امشى خرجت ابويا شفنى قال اية يابنى انت كنت بتتخانق ولا اية قولتلو اتخانق مع مين منا لسة صاحى قدامك قالى اية الى فى وشك دة قولتلو مش عارف ومحدش يسألنى امى قالتلى يابنى انت وشك كأن حد ضربك بجد قولتلهم اصلى وقعت من على السرير ابويا قال لامى سيبية انا هعرف اية الى عمل فية كدة كنت بقول فى دماغى هل لو انا حكتلة الى حصل هيصدق دة مش بعيد يودينى مستشفى المجانين محدش اصلا هيصدق الى انا كنت فية انا بصيت لى صورتى الى متعلقة لقتها بتتهز عرفت ان فى حاجة موجودة بترقبنى فكرت فى فكرة هى الفكرة مش هتحل المشكلة بس على الاقل اعرف اية الى حوليا واية الى بيحصل قررت انى ازرع كاميرات مراقبة بس من غير ما ابويا ولا امى يعرفو حظى كان حلو اوى ان ابويا و امى ريحين للدكتور علشان امى هما المفروض هينزلو الساعة 2 ويرجعو 10 بليل لان امى هتعدى على جدتى قدامى وقت اجيب الراجل الى بيعمل انظمة مراقبة فعلا نزل ابويا وامى وجبت الراجل انا اعرفة معرفة عادية يعنى فا هوا سألنى قالى هسألك سؤال بس متزعلش منى قولتلو عارف هتقولى انت عامل نظام مراقبة فى البيت لية قالى ما انت عارف اهو قولتلو اصل انا شاكك ان فى حرامى بيخش الشقة قالى طيب لو حرامى بيخش ممكن تعمل كاميرا على باب الشقة قولتلو اصل هوا يمكن يكون بيخش من الشباك وبعدين متسألش كتير اشتغل انا عايز كاميرا فى المطبخ والغرفة بتعتى والصالة و على الباب هوا كان مستغرب الراجل بس انا مينفعش اقولة انا براقب عفاريت هيقول علية مجنون المهم خلص الشغل واديتة الفلوس ومشى قعدت على الكرسى وقدامى الشاشة وبراقب بئة قاعد مستنى فضلت مستنى وقت طويل مفيش حاجة حسيت انى عايز انام حطيت دماغى على المكتب كدة شوية روحت فى النوم فضلت نايم نمت حوالى ساعتين كانت الساعة تقريبا 8
قولت بئة اكيد نمت من كتر التعب عدت الى سجلتة كاميرات المراقبة وانا نايم يمكن تكون الكاميرا رصدت حاجة انا بصراحة انا كان هيغمى علية من الى شوفتة فى التسجيل لان الحجات الى شفتها دى مبشوفهاش غير فى الافلام انا شوفت فى تسجيل الكاميرا نفسى وانا نايم وقمت دخلت الغرفة بتعتى ومسكت قلم وفضلت اشغبط على الحائط بس دى مكنتش شغبطة دى رسالة انا كتبت السفلى حضرت الارض الكائن
ظ-ش-م-و هوا دة الى كتبتة على الحائط حد يجى يقولى اية معنى الكلام الى كتبتة هقولة انا زيى زيك انا تقريبا كنت ماشى وانا نايم لكن الغريب بئة انى بصيت للكاميرا وبرقت بعينى وابتسمت وخرجت من الغرفة ودخلت على الحمام طبعا انا مش حاطط كاميرا فى الحمام فضلت اتفرج مستنى اشوف نفسى وانا خارج من الحمام لكن مخرجتش واتفرجت على التسجيل للاخر برضو مخرجتش وعدت الفيديو كذا مرة برضة مخرجتش انا بصراحة مش مصدق الى بيحصل شغلت قران فى الشقة كلها لكن انا اتخنقت بجد قولت لنفسى انا يا اما اموت يا اما اخد بنج علشان محسش بلكلام الى بيحصل دة بنج ايوة بنج بس بنج ازاى ايوة مخدرات علشان محسش بحاجة ايوة صح هوا دة الحل لو تلاحظو هنا ان الشيطان كمان بيلعب بدماغى بدأت بئة اكلم صحابى الى هما ليهم فى السكة دى كلمت ايمن ايوة يا ايمن تعالى البيت وهات معاك كل انواع المخدرات الى انت بتتعاطها قالى بس اية المفاجأة دى دة انا كنت بتحايل عليك تشرب وانت تقولى لا وتفضل تنصحنى انى ابطل جى انت تقولى علمنى اشرب قولتلو مش وقت هزار تعالى قبل ما ابويا وامى يجو فى خلال ربع ساعة كان ايمن عندى فى البيت قولتلو انا عايز اشرب اى حاجة تخلينى اغيب خالص قالى طب لية انت مجروح اوى كدة هى حببتك قلبة عليك ولا اية زعقت جامد وقولتلو انت ملكش دعوة انت تعمل الى بقولك علية وانت ساكت انا مش عارف ازاى زعقت كدة قالى خلاص برحتك انا فضلت اشرب اشرب لحد ما خلاص مبقتش حاسس ولا شايف اى حاجة وهوا دة الى انا كنت عيزة انا اخر حاجة شفتها ايمن بيجرى وكنت شايف قطط كتير اوى بتقرب منى انا مش حاسس واعصابى سيبة خالص شفت ابويا دخل وامى دخلت امى كانت بتعيط وابويا عمال يضرب فية ويزعق لكن انا مش سامع انا كنت شايف حركة شفايفهم بس لا كنت سامع ابويا بيقول اية ولا امى بتقول اية وفجأة جت فى دماغى انى اجرى قمت جريت وفتحت الباب ونزلت الشارع بقيت عمال اجرى زى المجنون واقع واقوم واقع واقوم وكانت الناس خيفة تقرب منى لحد ما وقعت على الارض اخر حاجة شفتها عينى ست عجوزه بتسندنى علشان اقوم كل الى كنت سامعة كلمة سبحان الله وبحمدة سبحان الله العظيم ودى اخر حاجة سمعتها

ولمه صحيت صحيت وانا على سرير والدنيا ضلمه اوى مش شايف اى حاجه بس سامع صوت حاجه بتخبط جنبى بصيت جنبى لقيت فى حاجه بتتحدف حاجه لونها ابيض ولمه دققت اوى لقيت اسنان انسان بتتحدف بس بدأت الرؤيه توضح لقيت جسم مش شايف ملامحه بس جسم ضخم وتقريبا بيخلع سنانه بأيده ويرميها على الحائط من كتر الخضه وقعت من على السرير الباب اتفتح والنور ولقيت الست العجوزه دخله عليه وقالتلى اهدى اهدى قولتلها اهدى ايه ده فى راجل فى الاوضه بيخلع سنانه ويحدفها قالت بسم الله الرحمن الرحيم يابنى مفيش غيرى انا وانت وبنتى وبنتى لسه راجعه قولتلها انا عارف انكم مش هتصدقونى بس انا بيحصلى حجات غريبه قالتى انت كنت بتتكلم وانت نايم وبتقول كلام غريب انا مش فهمه منه حاجه قولتلها ولا انا فاهم اى حاجه من الى بتحصلى قالتلى واضح انك عندك مشاكل قولتلها اه عندى كتير قالتلى احكيلى انا زى والدتك قولتلها انا حضرت جن بالغلط الست رجعت للوراء قولتلها والله بالغلط بسبب العند الى انا فيه ومش عارف اعمل ايه لقيت بنت حلوه دخله علينا بصيت الست قالتلى دى بنتى سلمى مش بتتكلم اصل بعيد عنك الشيوخ بيقولو حد ساحرلها ومحدش عارف يعالجها لقيت فى اديها ألة الناى قولتلها انتى بتعزفى هزت رسها اه الست قالتلى دى عزفها حلو جدا قولتلها ربنا يخلهالك قالتلى انا ممكن اسعدك يابنى انا هجبلك واحد بيفهم فى الحجات دى اوى هوا راجل عطار شغال فى العطاره اسمه عبد السلام قولتلها ياريت وهيعرف يعالجنى قالتلى ان شاء الله قولتلها بس انا مش هقدر اقعد هنا لازم امشى قالتلى تمشى فين الساعه 3 بليل وبعدين انت عندك حته تقعد فيها قولتلها بصراحه لا قالتلى طيب خليك عندنا انهرده قولتلها بجد الى زيكم خلصو قالتلى يابنى انت شكلك طيب وابن حلال ويمكن ربنا بعتنى ليك علشان اسعدك قولتلها ربنا يديكى الصحه قالتلى انا هجبلك اكل قولتلها بلاش قالتلى لا لازم تاكل خرجت وبنتها فضلت تبصلى وقعدت تشاورلى فهمت منها انها بتسأل عن اسمى قولتلها مروان قالتلى كام سنه قولتلها 22 قالتلى وانا 20 قولتلها اعزفى كده اى حاجه بدأت تعزف كان عزفها حلو جدا والدتها جابتلى الاكل كلت بس مكنتش مستعد انى انام لوحدى بصراحه قولت لبنتها خليكى اعزفى شويه متخرجيش فضلت تعزف لحد ماروحت فى النوم خالص ولاول مره اعرف انام من غير قلق ولمه صحيت وفتحت عينى وكان النور خارج من الشباك الصبح لقيت سلمى نيمه على الكرسى حسيت انى فى بيتى كأنه البيت الى اتربيت فيه والناس دول اهلى خرجت بره من الغرفه ونمت بره فى الصاله ولقيت الست جت صحتنى قالتلى اصحى يا مروان صحيت قالتلى هنفطر وهننزل نروح لعبد السلام وفعلا فطرنا ونزلنا لعبد السلام
فى المحل بتاعه دخلنا قالها اهلا يا ام سلمى الست العجوزه وشوشته قالى احكيلى حكيتك يابنى حكتلو على الحكايه كلها قفل المحل وقالى بص ثوانى وجى دخل كده من باب فى المحل وطلع وكان معاه كتاب فتحه وقالى بص يا ابنى انت عملت حاجه مش سهله قولتلو عملت ايه انا كتبت شوية كلام وقولت شوية كلام هوا ده الى عملته قالى مهوا الى انت عمله ده غلط وخطر الى انت بتشوفه ده هلاوس لسه مشوفتش التقيل ان كل ده هيأثر على عقلك لحد ما تنتحر يا اما تخش مستشفى المجانين قولتلو هلاوس يعنى ايه قالى يعنى انت بتتخيل بس الى انت بتشوفهم حقيقين وبيأذو جامد قولت اه مهما اذونى قالى انت يعتبر ندهت بس عليه محضرتهوش اسمه طولش قولتلو ده اسمه قالى اه وهوا مش معروف اذا كان من الجن ولا من ايه هوا مخلوق قديم من قبل خلق ادم بألاف السنين وهوا من قبيله مشهوره فى عالمهم ودى كانت اسطوره بتتقال فى كتب السحر بس واضح انك هتعانى قولتلو طيب والحل بئه قالى مفيش حل قولتلو نعم طيب انا جيلك علشان تقولى مفيش حل قالى هوا فى حل قولتلو ايه قالى الموسيقى قولتلو ازاى قالى العزف فى معزوفه بتتعزف هى الى بتحرقه خالص وعلى الة الناى قولتلو احمدك واشكرك يارب ويا على الصدف قولتلو احنا عندنا احسن عازفه ناى فى العالم قالى هوا انت فاكرها بالسهل كده قولتلو اومال ايه قالى هى هتعزف اى معزوفه كده وخلاص من دمغها قولتلو اومال ايه قالى ياحبيبى لازم معزوفه معينه معزوفه سحريه قولتلو والمعزوفه دى فين بقى قالى الله اعلم هى موجوده فى كتاب سحر اسمه صرخات الشيطان قولتلو الاقيه فين قالى ده صاحبه مات من 3000 سنه قولتله مات من 3000 وانا اروح ارجعله بالزمن بئه علشان اخده منه قالى لا الكتاب ده موجود فى مصر ومات صاحبه برضه واتدفن مع صحبه قولتلو يعنى اعمل ايه قالى انا بصراحه مش عارف قولتلو واضح انى ضيعت وقتى خرجت من المحل الست ام سلمى قالتلى استنى يابنى رايح فين قولتلها رايح اى مكان
مشيت كنت عمال اقول لنفسى طيب انا عايش ليه طالما هموت كده كده انا هرجع اخد مخدرات تانى علشان ماحسش احسن لقيت حد حط ايده على كتفى بصيت ورايه لقتها سلمى كان وشها زعلان قولتلها ارجعى البيت انا هبقى كويس قعدت تشاورلى ارجع معاها قولتلها ارجعى بئه وزعقت جامد شوفت الدموع فى عنيها ومشيت خلاص حاسس انى مبقتش انا اتغيرت ببعد الناس عنى بتصرفاتى مش عارف طيب هجيب الكتاب ده منين ده كمان مدفون مع الشخص الى معاه الكتاب
اتصلت بأيمن علشان انا تعبت خلاص ايوه يا ايمن انا جيلك علشان نشرب مخدرات للصبح قالى تانى تانى ويطب علينا امك وابوك وجدك قولتلو نعم ده جدى ميت يابنى من عشر سنين انت اهبل قالى ازاى يابنى امك وابوك كان معاهم راجل عجوز انا قعدت افكر جه فى دماغى الراجل العجوز الى شفته قولتلو تلاقيك يا ايمن علشان كنا متقلين فى الشرب اوى قالى يمكن قولتلو انا جيلك دلوئتى قالى تعالى روحت فعلا لايمن وقعدنا وجاب السجاير وبدأنا نشرب واحنا بنشرب انا شوفت الدخان الى بيطلع من السجاير بيطلع على شكل وش بنى ادم ايمن قالى مروان انا حاسس بحاجه غريبه قولتلو فى ايه غريب تانى قالى انا تقريبا شايف حد بيجرى بسرعه بيخوش غرفة البويه ويرجع تانى لفيت دماغى ملقتش حاجه قولتلو يابنى ده من تأثير الشرب ومره وحده لقيت ايمن اتنفض من على الكرسى ووقع فى الارض وقالى بصوت مليان خوف ولا يا مروان انا واعى لكل حاجه فى واحد واقف فى نص الصاله لابس عبايه سوده بصيت ورايه قولتلو يابنى انت اتعديت منى ولا ايه مفيش حاجه قالى وربنا فيه قولتلو طيب فين قالى اختفى انا بدأت اشك ان فعلا فى حاجه قولتلو طيب بص انا هقعد على الكرسى مكانك وانت ادى ضهرك للصاله
علشان انت بدأت تخوفنى قالى طيب تعالى مكانى قعدت مكانه ويارتنى ماقعدت لانى شوفت حاجه اكتر فزع منه شفت رجل دراعه طوير لدرجة انه واصل لحد الارض وماشى بيجر دراعه وبيعرج كمان قومت وقفت من على الكرسى قولتلو قوم ننزل قالى فى ايه قولتلو قوم بسرعه قالى طيب يالا لسه ايمن بيقوم من على الكرسى النور بدأ يولع ويطفى قولتلو يالا بسرعة يا ايمن علشان هتندم على الوقت الى انت بتضيعه بس للاسم انا قولت الكلمه دى والنور قطع ايمن قالى انا مش فاهم فى ايه قولتلو هوا فى حد فى البيت قالى مفيش غيرى انا وانت ابويا مسافر وامى عند خالتى سمعت قولتلو طيب نور الكشاف ايمن نور الكشاف وبعدها فى حاجه اترمت على وش ايمن قالى ايه الى اترمى عليه ده قولتلو هوا فى حاجه اترمت عليك قالى اه بينور الكشاف على الارض لقى سنان انسان قالى ايه ده مروان متهزرش معايه قولتلو منا واقف جنبك قالى يالا نمشى من هنا يالا بسرعه وسمعنا بئه المفاجئه صوت بيقول ولا يا ايمن انت ابن فاسد ايمن قال بابا قولتلو انت مش قولت ابوك سافر الصوت اتكرر ايمن انت فاسد تعالى هنا ايمن قال يالهوى ايه الى بيحصل هوا مين بينادى وفجأه سمعنا ايمممممممممممممممن يصوت عالى ايمن قعد على رجليه وبقى يعيط قولتلو متخفش قوم من على الارض الموبيل وقع فى الارض والكشاف اتطفى قالى هنموت هنموت هنموت قولتلو اهدى متعليش صوتك بس ميعليش صوتو ازاى ده انا عايز اصوت بعد ما لقيت الاكتر من كده حد مولع شمعه فى غرفة ابوه وخيال ابوه كمان وبرضه بينادى ولا يا ايمن كلمنى رد عليه وبدأ نور الشمعه يقرب قام ايمن مغمض عينه وانا بئه الى شفت المنظر كله شفت الشمع خرجه على الهوا شمعه بس وثبتت فى نص الصاله ومره وحده حد نفخ فيها الدنيا بقت ضلمه عتمه مفيش نفس مفيش صوت ايمن يا ايمن يابنى انت فين النور رجع لقيت ايمن مرمى على الارض والدم مغرق الارض انا شفت المنظر مش عارف ازاى رجلى شالتنى وجريت فتحت الباب ونزلت

تنويه :ياريت الى متظهرش القصه عنده كامله يكتبلنا فى كومينت وصل فى واحنا هنكمله ونرجو الاعجاب
----------------------------------

كان كل تفكيرى ان ايمن مات وهيلبسوها فيا انا وهيتحكم عليه بالاعدام واول مكان فكرة فيه انى ارجع لام سلمى تانى وفعلا روحت هناك وخبط فتحتلى سلمى ودورت وشها ودخلت دخلت ام سلمى قالتلى ايه يابنى وشك ماله قولتلها ماله وشى قالتلى ايه الخربشه الى عليه دى حطيت ايدى على وشى لقيت فعلا علامات على وشى قولتلها انا عايز اقابل
العطار تانى قالتلى ليه قولتلها هوا املى الوحيد انا صاحبى مات بسببى قالتلى اقعد بس واحكيلى لسه هحكى سمعت الباب بيخبط 3 خبطات مابين كل خبطه وخبطه 3 ثوانى
انا من جوايا حسيت بخطر قولت لسلمى متفتحيش تعالى هنا روحت بصيت ملقتش حد لكن النور الى بره اطفى ام سلمى قالتلى يعنى مفروض ده مش وقت قفل النور قفلو النور بدرى قولتلها انا مش مطمن قولتلها خشو جوه دخلنا ولمه لفيت ضهرى الباب خبط تانى
لكن ده كذا واحد بيخبط مش واحد بس ده كأن مجموعه بتخبط على الباب الموبيل بتاعى رن لقيت ابويا رديت عليه قالى يابنى سامحنى ارجع البيت متنتحرش امك مقطعا نفسها عليك احنا سامحناك قولتلو ومين قلك يا بابا انى هنتحر قالى يابنى مانت بعتلنا جواب كاتب فيه انك هتنتحر وفى ناس هيدفنوك فى مقابر الصعيد قولتلو انت بتقول ايه يا بابا مين بعتلك الجواب قال انا لقيته على الباب قولتلو بقولك ايه يابابا اوعى تصدق اى حاجه تشفها قالى يابنى ايه الى بيحصل قولتلو هفهمك يابابا قالى طيب انت جى امتى قولتلو لمه اخلص شوية حجات هرجع وقول لامى تسامحنى وانت سامحنى انا مليش زنب فى اى حاجه شوفتوها وحشه فيه انا والله مظلوم قالى انا مصدقك يابنى قولتلو هرجع يابابا متخفش خلى بالك من نفسك قالى وانت كمان خلى بالك من نفسك قولتلو هخلى بالى مع السلامه قفلت مع ابويا والتليفون رن تانى كان ايمن الى بيتصل انا قولت فى دماغى دى اكيد الشرطه بس لو مردتش هيعرفو انى الى قتلته رديت لقيت ايمن بيرد عليه قولتلو ايه ده انت عايش قالى اه ولمه فوقت من الخبطه فى واحد صاحبى ودانى المستشفى وعلى فكره لقيت مكتوب على الحيطه انك هتنتحر وهتدفن قولتلو متخدش فى بالك المهم انت كوس قالى اه قولتلو يا ايمن سامحنى علشان المشاكل الى حطيتك فيها قالى انت صحبى من سنين وانت ملكش زنب ربنا معاك ..الباب خبط مره كمان بس المره دى الباب خبط من جوه من جوه الشقه بصيت لسلمى وامها قولتلهم الصوت ده جى منين ام سلمى قالتلى بصوت واطى ده جى من جوه الشقه قولتلها طيب انتى طفيه النور الى جوه ليه قالتلى انا مطفتش النور النور كله قفل لوحده قولتلها طيب تعالى هنا متقفيش بعد قربى مره واحده النور قطع كله ولحظة صمت رهيبه ندهت براحه على ام سلمى لكن مردتش خبط فى سلمى قولتلها سلمى خليكى وقفه جنبى لكن حسيت ان ايد سلمى خشنه اوى وبعدين اديها سقعه جدا وفيها زى بروز قولتلها انتى ايدك عمله كده ليه فتحت كشاف الموبيل وسلط الكشاف على اديها لقيت ايد لونها ازرق وفى زى حبوب لونها اسود وورم فى الايد سلط الكشاف قدامى لقيت سلمى وقفه وعماله تشاور جنبى وعلى وشها خوف شديد انا لو خايف لو بصيت جنبى يحصل حاجه انا مش حاببها بدأت الايد الى ماسكها تسخن سبت الايد الى انا ماسكها وبدأت امشى فى اتجاه سلمى براحه سلمى جريت عليه لقيت رجليها اتسحيت ووقعت على الارض جريت عليها انا كمان فى حاجه شدتنى من رجلى وقعتنى وبدأت الارض تتحول لبصمات اقدام سوداء وبصمة الرجل الواحده كبيره لدرجه لا تتخيلها يعنى ممكن تقول ان طول بصمت الرجل الواحده 85 سم انا مش عارف اتحرك من مكانى اروح فين وهعمل ايه بدأت اسمع صوت حاجه بتتجر من الغرفه الى جوه تخيلو كده انى لقيت السرير الى فى الغرفه بيتزق لغايت بره طيب مين الى بيزق السرير انا فى 30 ثانيه الى فكرة فيها مين الى بيزق السرير متوقعتش ولو للحظه انه طفل صغير لمه تشوفه قول عنده سنتين بيزق السرير الكبير الى عايز 3 يشيلوه ايوه طفل صغير الى بيزق السرير طفل لابس حاجه عمله زى جلد الماعز وبعدين رجله فيها شقوق على فكره كل ده انا الى شايف سلمى مديه ضهرها للغرفه ووقعه على الارض انا فضلت اراقب ايه الى هيحصل لقيت الولد وقف وبدأت عينه تنور زى القطط لمه عنيها بتنور فى الضلمه لا اكيد انا بتخيل اكيد مش حقيقى مره واحده النور جه الحمدلله لقيت ام سلمى وقفه وبتخلع سننها وبتضحك النور طفى تانى وسمعت صرخه شديده جدا والنور رجع تانى لقيت ام سلمى كانت وقفه وفى اديها ميه عماله ترشها قالتلى قوم يامروان خلاص انصرفو قومت سلمى قولتلها انتى لازم تودينى عند العطار دلوئتى قالتلى لازم كلنا نروح روحنا عند العطار دخلتله قولتله شفلنا حل لانى بجد شويه كمان وهنتحر قالى عايز تموت كافر قولتلو مهو علشان مموتش كافر شفلى حل انا عايز الكتاب قالى انا فى واحد اعرفه بس مش معرفه كبيره يعنى الراجل ده ممكن يكون عارف قولتلو حلو اوى ودينى عند الراجل ده قالى بس بقولك ايه هوا مجنون شويه ياريت تخده على اد عقله قولتله مش مهم يالا نروحله قولت لام سلمى خلى سلمى معاكى وخليكم هنا انا هروح واجى تانى فعلا روحنا عند الراجل الراجل ده قاعد فى بيت تحت السلم يعنى غلبان دخلناله العطار قاله يا طنطاوى قالى لازم نخشله دخلنا لقيت راجل قاعد قدامه لعب وعمال يلعب قولتلو بئه هوا ده الى هيجيب الكتاب قالى متخفش هوا طبعه كده يا طنطاوى عيزينك بصله قاله عايز ايه عيزين نعرف كتاب صرخة الشيطان فين مردش رجع العطار قاله طنطاوى انا بسألك بص للعطار وقاله الكتاب موجود فى قريه فى الصعيد مدفون فى مقابر مهجوره مبيخشهاش انس ولا جان قولتلو اومال بيخشها ايه قال بيخشها مخلوقات (الدوقاص) قولتلو بصراحه مسمعتش عن اسم المخلوقات دى قبل كده انت متأكد قال طبعا المخلوقات دى اتخلقت زمان وافسدو فى الارض وقتلو قبائل كتير قولتلو والمعركه دى فى كتاب التاريخ بصلى وقالى انت بتتريق عليه طيب مش هقولك فين الكتاب العطار قاله معلشى يا طنطاوى هوا بيكلمنى انا مش انت قولنا الكتاب فين بس قال الكتاب فى قريه مش موجوده على الخريطه سكانها محدودين جدا ارضها ميته الضلمه فى كل مكان ولمه الليل يليل عزف الكتاب يبدأ يظهر قولتلو هوا الكتاب هوا الى بيعزف يعنى الموسيقى مصدرها الكتاب قالى اه اكثر من 3000 كائن سفلى بيعزف ولقينا طنطاوى رجع يلعب باللعب كأنه اتحول لشخص عاقل لمدة دقيقتين وبعدها رجع طفل تانى قولتلو يالا يا عطار طنطاوى قال خلى بالكم الكتاب مدفون فى مقبرة ساحر ساحر خطير المخلوقات هى الى دفنته مش البشر الى دفنوه لازم العازف يحفظ المعزوفه علشان يحفظها والاكتر من كده يطلع الكتاب من حضن الساحر قولتلو متشكرين رجعنا البيت العطار قالى انا كده مهمتى انتهت قولتلو انت هتسبنى انا وسلمى نروح لوحدنا قالى انا عندى عيال عايز اربيهم قولتلو فهمت ام سلمى قالتلى انت هتحتاج بنتى خدها بس خلى بالك منها انا مليش غيرها قولتلها سلمى مسؤليتى خرجنا انا وسلمى من البيت العطار قالى استنى انا الست ام سلمى وقفت معايا كتير انا جى معاكم بدأنا نتحرك تانى يوم العنوان بتاع القريه لمه كنا نسأل عليها كنا بنلاحظ ان فى رهبه فى وش الناس بعد السؤال قدرنا نوصل القريه بسلام القريه زى ما وصفها طنطاوى بالظبط الناس قليلين الارض تحس فعلا انها ميته قرية كئيبه
وقفنا راجل قالنا انتم اغراب عن القريه صح قولتلو اه قالى انت بتدور على حد قولتلو لا انا جى ازور قبر عمى قالى قبر عمك انت تعرف ان المقابر الى هنا فى القريه مهجوره محدش بيدفن فيها الناس بتدفن فى القريه الى جنبينا قولتلو مهو عمى ميت بقالو كتير قالى محدش بيخوش المقابر علشان مقبرة الساحر الى بيخوش مش بيرجع قولتلو بس انا هخوش قالى برحتك بس افتكر انى قولتلك الى بيخوش مش بيرجع قولتلو سمعت قالى اتمنالك الخير سلام مشى الراجل واحنا كملنا لغايت جوه واستنينا لمه الليل يليل علشان المعزوفه مش بتشتغل الا بليل وفعلا غابت الشمس والليل جه دخلنا طبعا من المعروف ان المقابر مفيش فيها صوت المقابر دى بئه انا حاسس ان لا فيها صوت ولا هواء كتمه العطار قال اسمعو العزف قولت لسلمى اسمعى العزف علشان هتعزفى وراه طلعت الناى وبدأت انا والعطار بالحفر وبدأ صوت العزف يرتفع سمعنا صوت حد ماشى بيكحت فى الارض وهوا ماشى العطار قالى هى المقابر دى مش مفروض مبيخشهاش حد قولتلو كمل لكن كنت ملاحظ اننا بنحفر بقالنا كتير والتراب الى بنطلعه بينزل تانى نطيت جوه الحفره وبدأت احفر بأيدى لحد ما لقيت هيكل عظمى نايم على بطنه ومحوط على الكتاب بأيده العطار قالى ياله هات الكتاب طلعت الكتاب وادتهوله بعد ما سلمت الكتاب للعطاع لقيت الجروف الى بنحفر بيه فى وشى وقعت على الارض والمفاجئه ان العطار هوا الى ضربنى وضرب سلمى قالى انت فاكر انى جى معاك علشان اسعدك انا كنت عارف مكان الكتاب لكن مكنش ينفع اخاطر بحياتى جبتك انت علشان تطلعلى الكتاب الحاجه الوحيده الى طلعت صح ان الكتاب بيعزف لوحد مفيش بئه مخلوقات ولا حاجه كلها اساطير قولتلو ليه كده انت بتغدر بينا قالى اه بغدر بيك مسك الناى بتاع سلمى وكسره قالى يالا اشوف وشكم على خير انا شفت حاجه غريب لقيت العطار قعد على رجله ومسك دماغه وعينه وفضل يقول فيه ايه لا اكيد ده مش صح انا بتخيل لقيت الراجل العجوز رجع تانى طلع من وراء مقبره وطلع كذا واحد شبهه ووقفو قدام العطار قال لا دى هلاوس بدأ العطار يقع على الارض وجسمه يترفع وينزل تانى وبدأ يتكتف فى الارض وسنانه بدأت تقع ووشه بقى يكرمش وشعره يقع وكل ده والموسيقى ماذالة شغاله مسكت سلمى من اديها وسحبتها وبدأ صراخ العطار يرتفع لغايت ما سكت خالص وبدأ الراجل العجوز يقرب علينا هوا والى معاه كانو بيختفو ويظهرو فى اماكن متفرقه بأختصار كانو عملين علينا حصار فقدت الامل خلاص انا هموت ومينفعش اقنع نفسى ان الى بشوفه هلاوس حطيت ايدى على عين سلمى وانا غمط عينى وكنت مستنى النهايه حسيت بنفس بيقرب منى وفجأه سمعت صوت ناى تانى بيعزف فتحت عينى لقيت الراجل العجوز بقى يصرخ جامد ويسيح زى التلج رماد وكأن شئ محصلش سلمى قالتلى انت كويس قولتلها ايه ده انتى بتتكلمى قالتلى السحر اتفك عنى قولتلها اومال مين الى عزف بصيت لقتها ام سلمى قالتلى انا الى عزفت انا اصلا الى معلما سلمى العزف انا عرفت ان العطار اصلا دجال والحمدلله انى لحقتكم قبل ما تركبو العربيه مراته القديمه جت وسألت عليه وحكتلى على كل حاجه وطلع هوا الى عامل سحر لسلمى علشان يتجوزها بس انا رفضت يالا نمشى قولتلها استنى سحبت العطار ورميته مع الساحر ورميت عليه الكتاب وردمت الحفره واتردمت معاه قصة الكائن السفلى خالص
ورجعنا البيت ورجعت لابويا واتجوزت سلمى وبعد سنتين ربنا رزقنا بطفل ودلئتى كبر بقى عنده 3 سنين ولكن مش كل قصه بتنتهى بنهايه سعيده قصتى فيها لغز حاجه غريبه ان ابنى جه وقالى يا بابا انا لقيت السنه دى تحت المخده قولتلو افتح بؤك لقيت كل سنانه سليمه

انتهت القصه ................................

محمد فعت

widad
مديرة الموقع

تاريخ التسجيل : 29/07/2016

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى